У чэрвені 2023 года клуб Шахматны дом працягвае праводзіць рэгулярныя заняткі ў клубах і анлайн. Але акрамя гэтага для тых, хто хоча яшчэ больш паглыбіцца ў шахматы і палепшыць сваё разуменне гульні, мы правядзем дадатковы анлайн-інтэнсіў
Новы расклад
Для тых, хто хоча працягнуць (або пачаць) займацца шахматамі, летам працуюць нашы рэгулярныя афлайн і анлайн групы для пачаткоўцаў, безразраднікаў, 4-разраднікаў і спартсменаў ад 3 разраду і вышэй.
Расклад заняткаў у клубах на Пушкінскай, на Партызанскім і ў Зялёным лузе змяняецца: цяпер у клубах на Пушкінскай і партызанскім групы будуць займацца з панядзелка па чацвер, а ў Зялёным Лузе з панядзелка па сераду. З пятніцы па нядзелю заняткаў не будзе, бо шмат хто ў канцы тыдня з'язджае з горада.
Але нават калі вашае дзіця ўвесь час будзе за горадам - праверце, магчыма там ёсць стабільнае інтэрнэт злучэнне - а значыць ёсць магчымасць займацца шахматамі з планшэта ці з тэлефона анлайн.
Запіс у новыя групы
Расклад груп мяняецца, таму просім вас зноў прайсці працэдуру запісу ў новую групу, якая падыходзіць па ўзроўню. Даведацца пра расклад і запісацца ў групу можна праз наш кантакт-цэнтар:
Viber: chesshouse
Telegram: chesshousebot
WhatsApp: +375 44 478-90-51
Анлайн-інтэнсіў - дадатковыя тэматычныя заняткі шахматамі
Для тых, хто не толькі не стаміўся ад шахмат, але і наадварот хоча іх яшчэ больш, мы падрыхтавалі спецыяльны інтэнсіўны курс дадатковых тэматычных заняткаў.
Заняткі будуць праходзіць у групах, падзеленых на 3 ўзроўні:
- для тых, хто займаецца больш за паўгады, але яшчэ не мае разраду
- для 4-разраднікаў
- для спартсменаў ад 3 разраду і вышэй
Заняткі будуць праходзіць па раніцах, кожны дзень з панядзелка па чацвер. Усяго ў чэрвені будзе 16 заняткаў.
Больш падрабязная інфармацыя, а таксама форма запісу і аплаты тэматычных заняткаў тут
