Запрашаем усіх чальцоў клуба Шахматны дом 1 узроўню навучання ўзяць удзел у конкурсе рашэння шахматных задач, які адбудзецца 14 снежня ў Шахматным доме на Пушкіна
Юныя шахматысты з пачатку навучальнага года ўжо шмат чаго даведаліся пра шахматы і шмат што ўмеюць на шахматнай дошцы. Хутка мы запросім усіх паўдзельнічаць у першым іх сапраўдным шахматным турніры. А пакуль у якасці падрыхтоўкі да турніру мы будзем рашаць шахматныя задачы.
Як усё будзе праходзіць
Конкурс праводзіцца ў дзвюх узроставых катэгорыях:
- для дзяцей 2013 года нараджэння і маладзейшых
- для дзяцей 2012 года нараджэння і старэйшых
У конкурсе будзе 3 туры:
- У першым туры дзецям будуць выдавацца заданні, за кожнае правільна вырашанае будзе налічвацца пэўная колькасць балаў. Час на рашэнне будзе абмежаваны.
- Другі тур будзе аналагічны першаму, але з іншымі задачамі на іншыя шахматныя тэмы.
- У трэцім туры дзецям будзе прапанавана за абмежаваны час паставіць трэнеру мат цяжкімі фігурамі (дзвюма ладдзямі, адной ладдзёй або адным ферзем - усе гэтыя маты мы вывучалі на занятках). За паспяхова пастаўлены ў адведзены час мат таксама будуць налічаны балы.
У перапынках паміж турамі ўсе ўдзельнікі змогуць падсілкавацца сокам з печывам.
Вызначэнне пераможцаў і прызы
Пераможцамі стануць тыя ўдзельнікі, якія ў трох турах набяруць найбольшую суму балаў. У выпадку роўнасці балаў будзе ўлічвацца хуткасць выканання заданняў.
На закрыцці конкурсу ўсе ўдзельнікі будуць урачыста прыняты ў чальцы клуба і атрымаюць клубныя значкі. Пераможцы і прызёры конкурсу ў абедзвюх узроставых групах атрымаюць шахматныя кніжкі-рашэбнікі для далейшага ўдасканалення сваіх шахматных навыкаў.
Час, месца, рэгістрацыя ўдзелу
Месца і час правядзення: Шахматны дом на Пушкіна (пр.Пушкіна, 28) 14 снежня 2019 года, адкрыццё спаборніцтваў у 11:00
Унёсак за ўдзел у конкурсе складае 5 рублёў
Конкурс праводзіцца толькі для членаў клуба Шахматны дом 1 ўзроўню навучання, якія яшчэ не маюць разраду.
Рэгістрацыя ўдзелу ажыццяўляецца толькі з адначасовай аплатай ўнёску. Рэгістрацыя з аплатай ўнёску ў звычайным памеры ажыцяўляецца да дня правядзення конкурсу. Рэгістрацыя ў дзень правядзення конкурсу магчымая, калі будуць вольныя месцы, з 10:30 да 10:45 з аплатай ўнёску, павялічанага на 50%. Зарэгістравацца і аплаціць турнірны ўнёсак можна наступнымі спосабамі:
- па месцы правядзення конкурсу - у клубе Шахматны дом на пр.Пушкіна, 28 з аплатай наяўнымі або банкаўскай карткай (буднія дні з 16:00 да 20:00, выходныя дні з 16:00 да 19:00)
- у клубе Шахматны дом на пр.Партызанскім, 30А з аплатай наяўнымі або банкаўскай карткай (будзія дні з 17:00 до 20:00 (пятніца да 19:00), выходныя дні з 15:00 да 18:00)
- на сайце клуба з аплатай праз АРІП або банкаўскай карткай праз Інтэрнэт (кругласутачна)
Колькасць удзельнікаў абмежаваная умяшчальнасцю гульнявой залы, калі будзе дасягнутая максымальная колькасць лік удзельнікаў, рэгістрацыя спыніцца.
