Што такое "шахматная гасцёўня" Шахматнага дома?
Куды і калі можна прыйсці пагуляць?
Што такое "шахматная гасцёўня" Шахматнага дома?
У нашай краіне людзі любяць шахматы. Нехта займаўся ў дзяцінстве, але потым кінуў. Нехта з захапленнем глядзеў неверагодныя баталіі Каспарава і Карпава па тэлевізары, але шахматы перасталі паказваць. Усе сумуюць па шахматах, бо ў Мінску няма месца, куды можна было б прыйсці і добра правесці час за любімай гульнёй. Цяпер такое месца з'явілася!
Шахматны дом адчыняе свае дзверы для ўсіх аматараў шахмат - мінчан і гасцей сталіцы. У нас можна ў прыемнай атмасферы, з кубачкам кавы ці гарбаты, пагуляць з сябрам ці аднадумцам, абмеркаваць з трэнерам нашага клуба апошнія шахматныя навіны, пагартаць шахматны часопіс ці кнігу, згуляць невялікі вячэрні бліц-турнір ці больш сур'ёзны ў класічныя шахматы.
Каб прыйсці ў наш клуб, неабавязкова быць прафесіяналам. Мы рады вітаць усіх аматараў шахмат: і ўпэўненых у сваіх сілах, і тых, хто хоча павысіць свой узровень гульні, і тых, хто проста прыйшоў правесці час з сябрамі за любімай гульнёй.
Для жадаючых павысіць свае шахматныя навыкі мы прапануем заняткі шахматамі для дарослых у групах з прафесійным трэнерам.
Прыходзьце да нас і пераканайцеся, што ў Шахматным доме ўтульна і цікава!
Куды і калі можна прыйсці пагуляць?
Калі ў вас няма партнёра для гульні, то вы можаце прыйсці на гульнявую частку заняткаў нашых вучняў і пазмагацца з юнымі шахматыстамі (шахматны ўзровень нашых спартоўцаў ад 3 да 1 разраду).
Калі ў вас ёсць партнёр для гульні, то прыйсці пагуляць можна ў любым з нашых клубаў: у Цівалях (ГЦ "Цівалі", вул.Прытыцкага, 29), на Партызанскім (пр.Партызанскі, 30А) і ў Зялёным лузе (вул.Усходняя 56) - у любы час працы клуба.
Клубы працуюць штодня па вечарах, больш дакладны час працы можна паглядзець тут: графік працы клуба Шахматны дом.
Падарункавыя сертыфікаты
Падарункавыя сертыфікаты клуба Шахматны дом - выдатная магчымасць парадаваць блізкага вам чалавека. Падарункавы сертыфікат можна выкарыстоўваць на любыя паслугі клуба: як на навучанне шахматам, так і на гульню ў клубе.
