Сяброўскі бліц у Шахматным доме 23 снежня 2023

У суботу 23 снежня ў Шахматным доме на Пушкінскай (вул.Дуніна-Марцінкевіча, 4/2) адбудзецца аднадзённы турнір па бліцы з кантролем часу 5+3. Запрашаем да ўдзелу ўсіх ахвотных незалежна ад узросту і шахматнай кваліфікацыі!

Палажэнне
аб правядзенні турніру па шахматах «Сяброўскі бліц»

1. Час і месца. 
   Спаборніцтвы праводзяцца ў клубе Шахматны дом на Пушкінскай (г. Мінск, вул.Дуніна-Марцінкевіча, 4/2, паглядзець на мапе) 23 снежня 2023 г.
2. Сістэма правядзення.
   Спаборніцтвы праводзяцца па швейцарскай сістэме ў 9 тураў. Кантроль часу 5 хвілін на партыю плюс 3 секунды на ход кожнаму ўдзельніку. Удзельнік, які прапусціў партыю без паважнай прычыны і не папярэдзіў суддзяў, у лёсаванне наступнага тура не ўключаецца.
3. Удзельнікі. 
   Да ўдзелу дапускаюцца ўсе ахвотныя, хто не мае на момант пачатку турніру прыкметаў захворвання і падвышанай тэмпературы.
4. Судзейства забяспечваецца Судзейскай калегіяй: Галоўны суддзя Барскі Я.В. У спрэчных сітуацыях рашэнне Галоўнага суддзі з'яўляецца канчатковым.
5. Рэгістрацыя ўдзелу. 
   Рэгістрацыя з аплатай турнірнага ўнёску ў звычайным памеры ажыцяўляецца да 22 снежня. Рэгістрацыя ў дзень турніру магчымая з 9:30 да 9:45 з аплатай унёску, павялічанага на 20%, калі будуць вольныя месцы. Зарэгістравацца і сплаціць турнірны ўнёсак можна наступнымі спосабамі:
   1. па месцы правядзення турніру - у клубе Шахматны дом на вул.Дунін-Марцінкевіча, 4/2 з аплатай наяўнымі ці банкаўскай карткай (у працоўны час клуба)
   2. у клубе Шахматны дом на пр.Партызанскім, 30А з аплатай наяўнымі ці банкаўскай карткай (у працоўны час клуба)
   3. у клубе Шахматны дом на вул.Усходняя, 56 з аплатай наяўнымі ці банкаўскай карткай (у працоўны час клуба)
   4. на сайце клуба з аплатай праз сервіс "Аплаці", праз АРІП ці банкаўскай карткай праз Інтэрнэт (кругласуткава)

   Колькасць удзельнікаў абмежаваная! Пры рэгістрацыі ўсіх удзельнікаў, якіх можа ўмесціць турнірная зала, рэгістрацыя спыняецца.

6. Унёскі. 
   Унёсак за ўдзел у турніры складае 30 рублёў для ўсіх шахматыстаў, 25 рублёў для сябраў БФШ і 20 рублёў для сябраў клуба Шахматны дом і сеньёраў (ад 60 гадоў пры прад'яўленні пашпарта). Пры рэгістрацыі ў дзень турніру ўнёсак павялічваецца на 20%.
7. Праграма спаборніцтваў.
   • 23.12: 10:00 - адкрыццё спаборніцтваў, 10:15 – 1–9 тур;
   • Праз 15 хвілін пасля заканчэння апошняга туру - закрыццё спаборніцтваў.
8. Вызначэнне месцаў. 
   Месцы ўдзельнікаў вызначаюцца па найбольшай колькасці набраных балаў. У выпадку роўнасці балаў у двух і больш удзельнікаў парадак вызначаецца па дадатковых каэфіцыентах:
   1. Каэфіцыент Бухгольца усечаны (без найгоршага выніку)
   2. Каэфіцыент Бухгольца
   3. Каэфіцыент Бергера
9. Узнагароджанне. 
   Пераможца ўзнагароджваецца кубкам, прызёры ўзнагароджваюцца медалямі і дыпломамі. Прадугледжаныя дадатковыя прызавыя катэгорыі. 
   Удзельнікі, якія прапусцілі закрыццё спаборніцтваў, губляюць права на прызы.
10. Дадатковая інфармацыя.
    Удзельнікі з прыкметамі захворвання і падвышанай тэмпературай да ўдзелу ў турніры не дапускаюцца.
    Удзел у турніры азначае згоду з усімі пунктамі дадзенага Палажэння.
    Арганізатар спаборніцтваў пакідае за сабой права ўносіць абгрунтаваныя змены ў дадзенае Палажэнне.
    Канчатковае тлумачэнне дадзенага Палажэння застаецца за арганізатарам спаборніцтваў.
    
    

Шахматны дом на Дуніна-Марцінкевіча, 4/2