З 1 па 15 снежня 2018 гада ў нашым клубе адбудзецца паўфінал Чэмпіянату Мінска да 14 гадоў.
Вынікі партый турніру можна глядзець на chess-results.com
Вытрымкі з Рэгламенту
Кіраўніцтва арганізацыяй і правядзеннем спаборніцтваў ажыццяўляецца Упраўленнем спорту і турызму Мінгарвыканкама, Мінскім гарадскім аддзяленнем ГА «Беларуская федэрацыя шахмат» (МГА ГА «БФШ») і ДУ «СДзЮШАР па шахматах і шашках» (СДзЮШАР па шахматах і шашках). Арганізацыяй, што праводзіць спаборніцтвы, з'яўляецца клуб «Шахматны дом».
Да ўдзелу ў спаборніцтвах дапускаюцца юнакі і дзяўчаты 2005-2006 г.н.
Спаборніцтвы праводзяцца па швейцарскай сістэме ў 9 тураў па правілах ФІДЭ з улікам усіх змяненняў і дапаўненняў на дзень старту агульным турнірам, з раздзельным залікам сярод юнакоў і дзяўчат.
Кантроль часу 1 гадзіна на партыю +10 секунд за ход кожнаму ўдзельніку.
Па выніках спаборніцтваў спартсмены, якія занялі 1-50 месцы, атрымліваюць права ўдзелу ў фінальных турнірах першынстваў г.Мінска без аплаты турнірнага ўнёску.
Праграма спаборніцтваў
- 1 снежня – 9.50 – адкрыццё, 10.00 – 1-2 тур;
- 2 снежня – 10.00 – 3-4 тур;
- 8 снежня – 10.00 – 5-6 тур;
- 9 снежня – 10.00 – 7-8 тур;
- 15 снежня – 10.00 – 9 тур. Закрыццё адбудзецца прыблізна праз 15 хвілін пасля заканчэння апошняга тура.
Спосаб падачы заяўкі на ўдзел і турнірныя ўнёскі апісаны ў Рэгламенце, з якім можна азнаёміцца на сайце БФШ openchess.by
