У ліпені каманда Шахматнага дома наведала буйны міжнародны турнір “Мукачівське літо” у горадзе Мукачава (Украіна). Турнір з’яўляецца традыцыйным і штогод збірае 400-500 шахматыстаў.
У гэтым годзе за шахматнымі дошкамі змагаліся 409 спартсменаў з Беларусі, Польшчы, Нямеччыны, Швецыі, Расіі, а таксама 23 абласцей Украіны.
Каманду нашага клуба прадстаўлялі Ўладзіслаў Бучнеў, Яна Прапірная (турнір да 12 год) і Віктар Барскі (open-турнір). Таксама да нашай дружнай кампаніі далучыліся прадстаўнікі РЦАПа і СДзЮШАРа: Дзмітрый Кірылін, Мацвей Папунідзі (open-турнір) і Цімафей Дашчынскі (турнір да 12 год)
Спаборніцвы прайшлі на высокім узроўні і сталі вельмі паспяховымі для большасці беларусаў. Акрамя ўдзелу ў асноўных турнірах па класіцы і дадатковым па бліцы ў нас заставаўся час і на адпачынак. На шляху да месца правядзення турніру мы мелі начоўку ў цудоўным Львове, дзе правялі выдатны вечар. У Закарпацці мы ездзілі ў горы і добра бавілі час у Мукачава. Вашай увазе фотасправаздача з шахматнай вандроўкі.
Вынікі турніраў па спасылцы: http://chess-results.com/tnr334311.aspx?lan=11&art=1&rd=9&turdet=YES&flag=30
